Lirik Syi'iran Toriqoh

Thoriqotuna

Astaghfirulloh robal baroya

Astaghfirulloh minal khotoya

Robbi zidni ‘ilman  nafi’a 

Wawafiqni ‘amalan sholiha

Ya rosulalloh salamun alaik

Yarofi ‘assa niwaddaroji

Atfata yaji rotal alamin

Ya uhai lalju diwal  karomi

Ngawiti ingsun nglarah syi’iran

Kelawan muji maring pengeran

Kang paring rohmat lan keni’matan

Rino wengine  tanpo  petungan

Duh bolo konco priyo wanito 

Ojo mung  ngaji syareat bloko

Gur pinter dongeng nulis lan moco

Tembe mburine  bakal sangsoro

Akeh  kang apal qur’an khaditse

Seneng  ngafirke marang liyane

Kafire dewe gak di gatekke

Yen iseh kotor  ati  akale

Gampang kabujuk  nafsu angkoro

Ing pepaese gebyare donyo

Iri lan meri  sugihe tonggo

Mulo atine  peteng lan nisto

Ayo sedulur jo nglalekake

Wajibe ngaji sak pranatane

Do ngandelake iman tauhide

Baguse sangu mulyo matine

Kang aran soleh bagus atine 

Kerono mapan seri ngilmune

Laku torekot lan makrifate

Ugo haqeqot manjing rasane

Alqur’an  qodim wahyu minulyo

Tanpo tinulis iso di woco

Iku wejangan guru waskito

Den tancepake ing njero dodo

Kumanthil ati lan pikiran

Rasuk ing padang maring jeroan

Mung titah rosul dadi pedoman

Minongko dalan manjinge iman

Kelawan Alloh kang moho suci

Kudu  rangkulan rino lan wengi

Ditirakati diriyadhoi

Dzikir lan suluk jo nganti lali

Uripe ayem rumongso aman

Dununge roso tondo yen iman

Sabar narimo najan  pas-pasan

Kabeh  tinaqdir saking  pengeran

Kelawan konco dulur lan tonggo

Kang  podo rukun ojo dak sio

Iku sunahe rosul kang mulyo

Nabi Muhammad panutan kito

Ayo nglakoni sekabehane

Alloh kang bakal ngangkat drajate

Senajan asor  katon dohire

Ananging mulyo  maqom drajate

Lamun palastro ing pungkasane

Ora kesasar roh lan  sukmane

Den gadang Alloh swargo manggone

Utuh mayite ugo ulese

Ya rosulalllah salamun alaik

Yarofi assa niwaddaroji

Atfata yaji rotal alamin

Ya uhai lalju diwal  karomi